Friday 01, July 2022
RAIS ATEUA MKUU WA MAJESHI, MNADHIMU MKUU WA JESHI
Rais wa Jamhuri ya Muungano wa Tanzania na Amiri Jeshi Mkuu, Mheshimiwa Samia Suluhu Hassan amempandisha cheoMeja Jacob John Mkunda kuwa Jenerali na kumteua kuwa Mkuu wa Majeshi ya Ulinzi nchini. Kabla ya uteuzi Jenerali Mkunda alikuwa Mkuu wa Tawi la Operesheni na Mafunzo.
Jenerali Mkunda anachukua nafasi inayoachwa na Jenerali Venance Salvatory Mabeyo ambaye anastaafu Utumishi Jeshini tarehe 30 Juni, 2022, baada ya kulitumikia Jeshi kwa kipindi cha miaka 43.
Wakati huo huo,Rais amempandisha cheoMeja Salum Haji Othmankuwa Luteni Jenerali na kumteua kuwa Mnadhimu Mkuu wa Jeshi.Kabla ya uteuzi Luteni Jenerali Othman alikuwa Kamishna wa Utafiti na Maendeleo ya Jeshi Wizara ya Ulinzi na Jeshi la Kujenga Taifa.
Luteni Jenerali Othman anachukua nafasi iliyoachwa wazi na Luteni Jenerali Mathew Edward Mkingule ambaye ameteuliwa kuwa Balozi.
Wakuu wa Majeshi waliowahi kuliongoza JWTZtangu kuasisiwa kwake Septemba,Mosi, 1964 ni pamoja na Jenerali Mirisho Sam Hagai Sarakikya (1964 - 1974), Jenerali Abdallah Twalipo (1974 - 1980),Jenerali David Bugozi Musuguri (1980 - 1988),Jenerali Ernest Mwita Kyaro (1988 - 1991), Jenerali Robert Philemon Mboma (1991 - 2001), Jenerali George Marwa Waitara (2001 -2007), Jenerali Davis Adolf Mwamunyange (2007 - 2017)na Jenerali Venance Salvatory Mabeyo (2017 - 2022).